Romeo Mersini në fund të muajit tetor u konsiderua ‘hero’ pasi shpëtoi çiftin e të moshuarve teksa shtëpia e tyre u përfshi nga flakët, ndërsa sot është arrestuar nga policia.
Raportohet se 29 vjeçari ka goditur xhaxhain e tij me sende të forta pas një konflikti për motive të dobëta.
“Specialistët për Hetimin e Krimeve të Komisariatit të Policisë Fier arrestuan shtetasin R. M., 29 vjeç, banues në Fier, pasi për motive të dobëta ka goditur me sende të forta xhaxhain e tij. Për këtë rast u arrestua edhe shtetasi M. M., 32 vjeç, pasi ka goditur me sende të forta vëllain e tij, shtetasin R. M”, informoi sot policia.
Ndërkohë po ashtu është arrestuar edhe vëllai i tij Mentor Mersini pasi ky i fundit ka goditur vëllain e tij
Materialet procedurale i kaluan Prokurorisë për veprime të mëtejshme.