Një person është plagosur me një mjet prerës këtë të hënë në Tiranë. Policia thotë se 42-vjeçari, i cili fatmirësisht është jashtë rrezikut për jetën, u paraqit për ndihmë mjekësore në urgjencën e QSUT-së.
Ai ka deklaruar në polici se në afërsi të spitaleve është goditur me mjet prerës në këmbë nga një person i paidentifikuar, i cili më pas është arratisur.
Policia po heton për sqarimin e rrethanave të ngjarjes dhe identifikimin e autorit të dyshuar.
/a.r