Një ngjarje e paprecedentë u shënua pasditen e djeshme në Ksamil, ku një efektiv policie dhe një qytetar u përleshën fizikisht në rrugë, pas një konflikti të çastit për gjobën.
Policia e Sarandës ka shpallur në kërkim shtetasin Lilo Mera, 28 vjeç, ndërsa është shoqëruar në komisariat vëllai i tij i pranishëm dhe i përfshirë në këtë ngjarje.
Burime për media bëjnë me dije se 28 vjeçari, Lilo Mera bashkë me vëllain i tij, të dy nga Ksamili janë konfliktuar me dy efektivët e qarkullimit rrugor të Sarandës, pasi nuk kanë pranuar që të gjobiten për kundravajtje penale.
Ato kanë filluar që të debatojnë dhe fillimisht Mera i ka marrë nga dora efektivit pajisjen elektronike të gjobave, ndërsa më pas ai qëllon me grusht efektivin.
Punonjësi i policisë, me iniciale, A.K.,26 vjeç, kthehet dhe këtu nis edhe përleshja fizike midis tyre deri në momentin që efektivë të tjerë ndërhynë duke neutralizuar situatën e paprecedentë të krijuar.
Menjëherë pas ngjarjes, autorët janë larguar me automjet për në drejtim të paditur. Policia ka shoqëruar në Komisariat vëllain e Lilo Merës, ndërsa vijon puna për kapjen e këtij të fundit.
/a.r