Ish kryeministri, Sali Berisha gjatë fjalës në tubimin te rrugica e pallatit te tij duke folur për sulmin ndaj avokatit të tij, u shpreh se, ‘Sokol Mëngjesi është një luftëtar i të vërtetës dhe ai pagoi sot betejën e tij për të vërtetën, për ligjin, për të drejtën’.
Megjithese Mengjesi u dhunua per shkak pronash dhe lekesh te papaguara kundrejt tij, Berisha e quajti qendrestar dhe luftetar i te vertetes.
Pjesë nga fjala e Berishës:
Mirëmbrëma dhe përshëndetjet më të përzemërta ju demokrateve dhe demokratëve të pamposhtur, qëndrestareve dhe qëndrestarëve, misionarëve të vërtetë të kauzës tonë të madhe.
Të dashur miq, sot krimi i mbështetur, i mbrojtur, i fuqizuar nga qeveria e krimit, goditi një prind tek dërgonte fëmijën në kopsht.
Goditi një akademik, profesor.
Goditi një qytetar me integritet.
Një njeri të virtytshëm, një shërbëtor të shkëlqyer të qytetarëve të vendit.
Goditi profesor Sokol Mëngjesin.
Të dashur miq, Sokol Mëngjesi është nga ata intelektualë që studioi jashtë, por u kthye t’i shërbejë vendit të vet dhe qytetarëve të tij.
T’u shërbejë atyre me dinjitet.
Ai është një personalitet në botën akademike shqiptare.
Një specialist i shquar në fushën e tij.
Por ai është një luftëtar i të vërtetës dhe ai pagoi sot betejën e tij për të vërtetën, për ligjin, për të drejtën./m.j