Policia e Tiranës ka ndaluar një person dhe proceduar një të dytë në lidhje me incidentet që u shënuan një ditë më parë në protestën e radhës së Aleancës për Teatrin dhe Rithemelimit përpara Bashkisë së Tiranës.
Kështu, nën akuzën e vrasjes me dashje të mbetur në tentativë, prishjes së qetësisë publike, shkeljes së rregullave mbi lëndët plasëse u arrestua 49 vjeçari S.B.
Ky shtetas gjatë protestës së djeshme hodhi një shishe me lëndë djegëse në drejtim të grupeve të xhirimit dhe gazetarëve duke vënë në rrezik serioz jetën e tyre.
Për këtë ngjarje të rëndë, reaguan menjëherë shoqatat e gazetarëve dhe AMA të cilat kërkuan që autori të vendosej përpara drejtësisë.
Ndërkohë, për incidentet ka nisur procedimi penal dhe për shtetasin K. B., 22 vjeç, banues në Tiranë.
/a.r