Takimi i Edi Ramës me shqiptarë në Athinë ka shkaktuar reagime të shumta.
Lidhur me mesazhin kryesor të takimit, se Rama ka ndikim tek emigrantët shqiptarë, ka patur një prononcim të Dora Bakojanis, politikane e njohur në Greqi, por edhe motra e kryeministrit aktuale, Kyriakos Mitsotakis.
Ajo mes rreshtave, ka “kërcënuar”, duke aluduar se Greqia mund t’i përdorë emigrantët shqiptarë kundër vendit të tyre, pasi sipas saj, Greqia ka më shumë ndikim tek ta, se sa vetë Shqipëria.
“E pashë dhe dëgjova se Rama mblodhi 5 mijë shqiptarë. Nuk më intereson çfarë bën zoti Rama me emigrantët.
Mua më intereson se çfarë bën ai me Belerin. Rruga europiane e Shqipërisë varet nga respektimi i të drejtave të minoritetit etnik grek në Shqipëri.
Dhe dua t’i them diçka zotit Rama, që e kam diskutuar shumë herë me të.