Nuk është vetëm policia e cila vendos shuma monetare për zbardhje e ngjarjeve kriminale.
Kohët e fundit janë të shumta në Tik Tok, postimet e grupeve kriminale shqiptare në Angli përmes ofrimit të shumave të konsiderueshme në rastet kur u grabiten shtëpitë e barit apo pësojnë “gola” në tregtinë e kokainës.
Më i fundit rast i publikuar në TikTok i zbuluar nga Top Channel bën fjalë për një shpërblim prej 30.000 stërlina kush jep informacion për grabitjen e një shtëpie bari në Golders Green në veri të Londrës.
Njoftimi shpërblimit shoqërohet më një video ku kamerat e sigurisë kanë fiksuar një furgon të bardhë dhe disa persona të cilat fusin brenda disa thasë.
Sipas përshkrimit të videos bëhet fjalë për grabitje e kanabisit në këtë shtëpi, operacion kriminal i ngritur nga shqiptarët.
Ata të cilët paguajnë 30.000 stërlina për informacion se kush janë grabitësit thonë më postim se grabitja ka ndodhur me 1 Maj 2024.
Sipas tyre shpërblimi mund të merret edhe nga personat që shikohen në video duke futur në furgon sasinë e kanabisit të grabitur.
Përmes shpërblimit ata synojnë të gjejnë se kush tregoi adresën e shtëpisë së barit dhe më pas organizoi grabitjen./tch