Agjencia e Mbikqyrjes Policore në bashkëpunim me Prokurorinë e Tiranës prej disa kohësh kishin nisur hetimet për të goditur një grup kriminal, mes tyre edhe efektivë të policisë që kishin të bënin me vizat e punës dhe kalimin e paligjshëm të emigrantëve.
AMP kishte sekuestruar provat materiale dhe dosjet ku përfshihen personat e dyshuar në këtë veprimtari kriminale. Burimet bëjnë me dije se bëhet fjalë për 4 efektivë Altin Hasani, Edmond Braja, Arjel Hoxha, Ermal Hoxha.
Por paralelisht me AMP kishte nisur hetimet për të njëjtën çështje edhe Prokuroria e Posaçme. Në këtë kuadër SPAK po merr në dorëzim të gjitha provat e mbledhura nga AMP dhe Prokuroria e Tiranës pasi dosja po hetohet nga prokurorët e posaçëm.
/a.r