Kryeministri i Maqedonisë së Veriut, Talat Xheferi thotë se kur shqiptarët ndodhen në vështirësi në rajon, gjejnë përkujdes tek Tirana, të cilën e cilëson si “vëllai i madh” i të gjithë shqiptarëve, pavarësisht trojeve ku ata jetojnë.
Duke komentuar sjelljet e Albin Kurti, i cili ka ndërhyrë në çështjet e brendshme politike si në Shqipëri ashtu dhe RMV, Xhaferi tha në “Real Story” se të gjithë shqiptarët pa dallim duhet të shohin si shpëtim Tiranën zyrtare dhe nuk duhet të përfshihen në këto skema përçarëse.
Pjesë nga intervista:
Këtu në Shqipëri ajo përpjekje e z. Kurti që vinte jo si kryeministër i Kosovës po si shtetas i Shqipërisë me pasaportë shqiptare përtej të drejtës së tij individuale për të votuar, por si përfaqësues I një partie politike dështoi. Po ndërkohë ankesa ka edhe për mënyrën si ai ka ndërhyrë në një zonë shumë delikate siç janë shqiptarët e Luginës, ata duhet të ishin në fokusin tonë. A mendoni ka ardhur koha që përfaqësuesit shqiptarë të mblidhen dhe si pleq të moçëm të flasin me maturi dhe t’i ulin këto tensione po përjetojmë momentin tonë më të mirë historik
Talat Xhaferi- Mendoj që edhe kushtetuta e Republikës së Shqipërisë sanksionon përkujdesin e statusit për gjendjen e shqiptarëve kudo janë. I takon institucioneve të vendit të jenë bartës të koordinimit, të faktorëve politikë në rajon e më gjerë. E kam thënë që çështja kur vëllai I madh është I përcaktuar që të udhëheqë vëllezërit e tjerë duhet ta dëgjojnë së paku sa është në të drejtë dhe përkushtim e asaj çka është e përbashkëta e shtëpisë kështu që nuk do mend që duhet me pas një rreth një vend një pikë takim ku do të mund të koordinohet, të këmbehen mendime, qofshin edhe të ndryshme që konkluzioni të jetë rrugëtimi individual i të gjithëve neve që jemi në vendet përkatëse sepse funksionojmë mbi baze të rregullave, ligjeve që janë subjektet ku jemi.
Pra ju thoni vëllai I madh është Tirana…
Talat Xhaferi: Sipas logjikës jo që them, por është
Në Prishtinë nuk janë shumë dakord me këtë kohët e fundit
Talat Xhaferi: Ajo është çështje e perceptimit të karaktereve te njerëzve e thash nuk mund të definoj pse janë apo nuk janë dakord, por mbi të gjitha kur vjen puna ngushtë të gjithë ne drejtohemi çfarë të bëjmë sit ë dalim nga situate dhe ku drejtohemi te vëllai I madh, kjo është esenca e botëkuptimit dhe perceptimit të asaj çka është bashkërenditja e interesave edhe në vendet ku jetojmë por edhe në përgjithësi kundrejt faktorit ndërkombëtar. Fundshekulli XX-XXI është shekulli i shqiptarëve në Evropë dhe në botë dhe qoftë në kuptimin pozitiv të të drejtave statusit, imazhit, që ka shqiptari sot në botë në aspektin institucional, këto janë çështje për të cilat në makroplan duhet t’i kesh parasysh në mikro plan janë çështje të karakterit dhe të botëkuptimeve individuale të secilit prej nesh varësisht deri ku shohim.
Përpjekjet e Kurtit për përçarje, Xhaferi: Po bën rolin edhe të kryeministrit edhe të liderit partiak
Kryeministri i Maqedonisë së Veriut, Talat Xhaferi i ftuar në” Real Story” në ABC News, foli për përpjekjet e kryeministrit të Kosovës, Albin Kurti për përçarje.
Në lidhje me ketë çështje, Xhaferi tha së Kurti po bën edhe rolin e kryeministrit edhe të liderit partiak.
Pjesë nga intervista:
Pyetje: Ndërkohë, ndaj klasës politike shqiptare në RMV ka pasur gjithmonë përpjekje për të futur i referohem këtu, asaj që ndodhi me partinë e Abdurahman Halilit në fillim të vitit 2019. Le të themi se vijojnë edhe sot. Folët për një raport me shqiptarët e Kosovës dhe më distant me Tiranën. Nga Prishtina duket sikur po vijnë mesazhe të tjera, keni një vlerësim për këtë?
Xhaferi: Ne bëjmë analizat dhe vlerësimet dhe në raport me Shqipërinë mendoj se leksioni i viteve 1990 1992, 1993 është mësuar mirë dhe pasardhësit e asaj periudhe kanë përmirësuar raportet në kontekst të mos përzierjes në kuptimin çka do të prezantojnë atje, por tendenca ka qenë t’i përafrojmë gjithë subjektet. Për fat të keq në moment nga autoritetet në Kosovë, në veçanti kryeministri, po bën rolin edhe të kryeministrit edhe të liderit partiak. Kështu që në momente të caktuara nuk dihet prezanton institucionin kryeministër apo kryetarin e subjektit që i takon dhe nuk si e definon veç se përzierje në punë të brendshme të subjekteve politike.
Pyetje: A ju duket kjo normale…
Xhaferi: Nëse shkojmë ne relacion të veprimeve politike ai mund të llogaritet edhe normale të ketë tendencë për një bashkërenditje veprimi mirëpo në kontekst të raporteve dhe të bartjes së funksioneve shtetërore nuk duhet të jetë e lejueshme që një kryeministër…llogarit sot unë kryeministër të bëj tendenca për përzierjen në jetën politike qoftë këtu qoftë atje. Ndaj them duhet bërë dallimi çka nënkupton kryetari i subjektit politik dhe çfarë kryetari I qeverisë. Kryeministri ka përgjegjësitë institucionale për mbarëvajtjen e statusit të vet shtetit që përfaqëson dhe të qytetarëve që përfaqëson dhe nuk duhet të harxhojë energji për punët që janë të brendshme edhe të shqiptarëve në RMV për faktin që kanë lider, parti, që artikulojnë kërkesat brenda komunitetit. Nuk besoj se ka nevojë shqiptarët e RMV të jenë të menaxhuar nga jashtë për punët e tyre./m.j