Policia britanike ka publikuar fotografitë e dy burrave të arrestuar në një fermë kanabisi në një pronë industriale të Neyland.
Gentian Zhupa, 35 vjeç dhe Ergest Muçopata, 42 vjeç, kishin punuar në një fermë kanabisi në një njësi në Honeyborough Industrial Estate, sipas tyre, për të shlyer borxhet ndaj një bande kriminale që i kontrabandonte në vend.
Të pandehurit u burgosën secili për 12 muaj javën e kaluar për shkak të akuzave për përfshirjen në prodhimin e kanabisit.
Gjykata dëgjoi se kishte objekte ndriçimi dhe ujitje për bimët e kanabisit, si dhe ambiente bazë të jetesës për dy shqiptarët. Edhe energjia elektrike ishte vjedhur.
Gjatë kontrollit, oficerët zbuluan 814 bimë kanabis, të cilat kishin një rendiment të vlerësuar nga 22 kg deri në 68 kg kanabis dhe kishte një vlerë midis 88.000 dhe 350.000 £./m.j