Kryeministri i Izraelit Benjamin Netanyahu ka folur në ditën e 100-të të luftës me Hamasin duke u zotuar se do të sjellë në shtëpi të gjithë pengjet e mbetura që mbahen nga militantët në Gaza.
Të paktën 240 pengje u morën nga Hamasi më 7 tetor dhe më shumë se 130 janë ende duke u mbajtur peng.
“Ne po bëjmë gjithçka për t’i kthyer të gjithë në shtëpi. E theksoj, të gjithë, pa përjashtim,” tha Netanyahu.
“Këto përpjekje janë duke vazhduar në çdo kohë, edhe në këtë moment”, theksoi ai.
Deklaratat e tij erdhën pasi mijëra njerëz dolën në Tel Aviv për të mbajtur një tubim 24-orësh, duke i bërë thirrje qeverisë izraelite që të bëjë më shumë për t’i kthyer pengjet në shtëpi.
/a.d