Princ Leka ka publikuar kartolinën e Krishtlindjeve, po ndryshe nga vitet e tjera, këtë herë vetëm me vajzën. Me anë të disa fotove të publikuara në rrjete sociale, ku shfaqet vetëm me vajzën e vogël, ai uroi festën e Krishtlindjes të gjithë shqiptarëve.
“Të dashur miq, ju uroj nga zemra një festë të gëzueshme të Krishtlindjes! Le të shijoni momentet e lumtura me familjen dhe miqtë tuaj në këtë kohë të veçantë të paqes dhe lumturisë për të gjithë!”, shkroi Princi.
Ndërkohë Elia Zaharia ka zgjedhur që të urojë veçmas:
Gëzuar Krishtlindjen! Ardhtë e bardhë për të gjithë ju e familjet tuaja! Mbarësi e bekime paçi kurdoherë
Prej disa javësh në media po përflitet ndarja e çiftit mbretëror. Por ashtu si Princi dhe Elia kanë zgjedhur të mos i komentojnë lajmet për ndarjen e tyre, por me këto urime të ndara Krishtlindjesh ata i shtuan akoma dyshimet. Por gjithsesi ende nuk dimë nëse dyshja nuk janë më bashkë, derisa të ketë një reagim nga vetë çifti.
