Shpërthimi i vullkanit Marapi në Indonezinë perëndimore ka vrarë të paktën 22 njerëz, pas zbulimit të nëntë trupave të tjerë, ekipet e shpëtimit njoftuan sot se janë ende në kërkim të një personi të zhdukur.
Vullkani më aktiv i Sumatrës shpërtheu të dielën, duke dërguar hi 3000 metra në qiell, më lart se vetë vullkani.
“Nëntë nga dhjetë personat e zhdukur janë gjetur të vdekur pasditen e sotme dhe trupat e tyre aktualisht janë duke u transportuar. Ne jemi ende në kërkim të një viktimë”, tha për AFP Abdul Malik, drejtor i shërbimeve të shpëtimit në qytetin Padang.
Indonesia’s Mt. Merapi erupted with ash plumes on December 3, spreading volcanic ash over several villages and causing the death of 11 hikers out of 50 blocked non the volcano by the event.pic.twitter.com/UWyYZ4uBlm
— Massimo (@Rainmaker1973) December 4, 2023
Qindra shpëtues indonezianë janë mobilizuar për kërkimin, i cili vazhdon në kushte të vështira për shkak të motit të keq dhe hirit që vazhdon të derdhet nga vullkani.
Ahmad Rifadi, kreu i Observatorit Marapi, vëzhgoi pesë shpërthime midis mesnatës dhe orës 08:00 (ora lokale, 02:00 me kohën e Shqipërisë) “Marapi është ende shumë aktiv. Ne nuk mund ta shohim lartësinë e kolonës (hirit) sepse është mbuluar nga retë”, shpjegoi ai./Liberale.al
