Shuhet në moshën 71 vjeçare tenori i njohur dhe i dashur për shqiptarët, Thanas Konini.
Solisti i këngës “Dua më shumë Shqipërinë”, u shua këtë të dielë, pasi mësohet se vuante nga një sëmundje.
Tek Naska shkriheshin në një talent vokal qytetaria, thjeshtësia, dashuria, vërtetësia e gjithçka me vlerë. “Xhaxhi Naska” kishte vlera për qytetin e Korçës, vokal fantastik, thjeshtësi, bujari.
Të paharruara do të mbeten interpretimet unike të Nasit si solist me këngët “Dua më shumë Shqipërine”, “O moj ti me sytë e zinj”, etj.
Teatri Korçës ka shprehur ngushëllimet e ndjera dhe mirënjohje të thellë për kontributin e jashtëzakonshëm të tij në jetën artistike të qytetit.
“Ikja e Koninit është një humbje për qytetarinë Korçare, Korin “Lira”, artdashësit që e duartrokitën gjithë jetën zërin e tij të rrallë”, shkruhet në postim.
