Këtë të hënë, në orën 10:00, Kuvendi i Shqipërisë do të mblidhet në seancën e radhës plenare.
Në këtë seancë pritet të diskutohet buxheti i vitit 2024. Por ashtu si në ditët e tjera kur ka pasur Parlament, as sot nuk pritet një seancë e qetë dhe normale.
Kjo, pasi opozita ka nisur prej disa ditësh një aksion, ku ka “paralizuar” jetën parlamentare.
Opozita ka paralajmëruar se protestat e tyre mund të përshkallëzohen deri në grevë urie.
Deputetët e PD-së kanë kërkuar që të merren parasysh kërkesat e tyre dhe kanë deklaruar se nuk do të ndalin aksionin deri në plotësimin e tyre.
