Sfidë botës! Putin shfaqet në mes të stadiumit, por i ndodh e papritura nga TV shtetëror

 Sfidë botës! Putin shfaqet në mes të stadiumit, por i ndodh e papritura nga TV shtetëror

Në Moskë, presidenti rus Vladimir Putin është shfaqur sot pas shumë kohësh në publik dhe ka folur me dhjetëra mijëra rusë të cilët janë dyndur brenda stadiumit Luzhiniki, në një aktivitet që feston tetë vjetorin e aneksimit të Krimesë.

Me një xhup treçereksh, pa kostumin zyrtar dhe qëndrimin në tryezën simbolike të Kremlinit, Putin ka folur para rusëve duke ‘mohuar’ pushtimin e Ukrainës

Stadiumi është i mbushur me flamuj rusë dhe shkronjën “Z”, e cila ka ardhur për të simbolizuar pushtimin. Putin përshëndet “operacionin special” të Rusisë në Ukrainë, duke pretenduar se objektivi i tij është të shpëtojë vendasit “nga vuajtja nga gjenocidi”.

Për brohoritje, ai i thotë turmës: “Rusia përpara!”

Por sipas REL, Televizioni shtetëror rus ka ndërprerë papritur fjalimin e presidentit të Rusisë, Vladimir Putin, teksa ai i është drejtuar audiencës në Stadiumin Luzhniki në Moskë.

Ai e ka mbajtur këtë fjalim për të shënuar përvjetorin e tetë të aneksimit të Gadishullit ukrainas të Krimesë. Aneksimi i Krimesë është dënuar nga Perëndimi dhe Ukraina, andaj edhe nuk e njohin si territor rus.

Fjalimi i Putinit është ndërprerë papritur dhe televizioni ka shfaqur disa këngë që janë kënduar në stadium. Një pjesëmarrës i koncertit ka thënë se Putin e ka përfunduar fjalimin dhe e ka lënë skenën. Zëdhënësi i Kremlinit Dmitry Peskov tha më pas se fjalimi u ndërpre për shkak të një “dështimi teknik në server”.

“Ne i kemi rikthyer në jetë territoret e Krimesë dhe ne e dimë saktësisht se çfarë duhet të bëjmë tani dhe ne do të zbatojmë të gjitha planet tona”.

Kështu deklaroi presidenti rus Vladimir Putin në një event publik në stadiumin e Moskës, sipas la repubblica

“Banorët e Krimesë kanë bërë zgjedhjen e duhur, kanë penguar nacionalizmin dhe nazizmin, që vazhdon të ekzistojë në Donbas. Ata kanë qenë viktima të sulmeve ajrore dhe kjo është ajo që ne e quajmë gjenocid. Shmangia e një gjenocidi është qëllimi i operacionit tonë ushtarak në Ukrainë”.

Të ngjashme