Probleme ligjore për djalin e presidentit amerikan, Hunter Biden paditet për tre akuza të lidhura me armët e zjarrit
Hunter Biden, djali i presidentit amerikan Joe Biden, është paditur për tre akuza federale të lidhura me armë zjarri.
Ky vendim erdhi pasi përpjekjet për të arritur një marrëveshje për pranimin e fajësisë dështuan, duke çuar në ndjekjen e parë penale të fëmijës së një presidenti në detyrë.
Hunter Biden ka qenë gjithashtu nën hetim nga prokurorët federalë për aktivitetet e tij financiare dhe tregtare. Gjykatësi federal i Delauerit, David Weiss, i cili u emërua nga Departamenti i Drejtësisë si prokuror i posaçëm për këtë rast, iu referua një kërkese për ngritjen e aktakuzës përpara 29 shtatorit në një raport mbi statusin e çështjes, të kërkuar nga gjykatësja Maryellen Noreika.
Loading ...
