-5.5 C
Tirana
Thursday, 27 January, 2022

Përplasje masive në Milot-Mamurras, aksidentohet eskorta e Sali Berishës

Një aksident masiv ka ndodhur mbrëmjen e sotme në aksin e autostradës Milot- Mamurras. Janë përplasur me njëra tjetrën katër makina dhe njëra prej tyre shoqëronte ish-kryeministrin Sali Berisha në takimin e sotëm të “Foltores”.

Pas përfundimit të takimit ne Kurbin, përgjatë kthimit në kryeqytet njëra nga makinat e eskortës së Berishës është përfshirë në aksident. Të lënduar lehtë nga aksidenti janë 3 persona. Ata po marrin mjekim në urgjencën e Laçit.

Grupi shoqërues i Berishës pretendon se i ka dalë para një makinë kundravajtje, e cila sipas tyre ka shkaktuar aksidentin. Makina ku udhëtonte Berisha sipas personave pranë stafit të ngushtë të tij nuk është aksidentuar. Ende nuk janë mësuar detaje të tjera si ka ndodhur aksidenti.

Foltoren me demokratët e Kurbinit, ish-kryeministri e nisi me një minutë heshtje për 51 viktimat e tërmetit të dy viteve më parë, teksa e cilësoi ngjarjen krim shtetëror. Edhe në këtë Foltore nuk munguan akuzat për Bashën të cilit i kujtoi sërish dy dosjet, atë “Muzin” dhe”Toyota Yaris”, duke thënë se hetimet për lobimin u mbyllën me ndërhyrjen e Kryeministrit Rama pa u dhënë drejtësia.

TË NGJASHME

TË FUNDIT