-5.5 C
Tirana
Thursday, 27 January, 2022

Përplasja e eskortës së Berishës, policia zbardh detajet: Nisin hetimet për 24-vjeçarin nga Kosova, ja si ndodhi aksidenti

Një natë pas aksidentit ku u përfshi eskorta e ish-kryetarit të PD Sali Berisha, një 24-vjeçar nga Prishtina është vënë nën hetim nga policia. Blutë bëjnë me dije se makina që drejtonte ai është përplasur me një tjetër automjet duke shkaktuar aksidentin e makinës shoqëruese të Sali Berishës.

Të tre automjetet kanë qenë duke ecur njëri pas tjetrit me të njëjtin sens lëvizje në korsinë e shpejtësisë. Nga goditja kanë marrë dëmtime të lehta i riu nga Kosova dhe pasagjerët në automjetin e tij. Pasi kanë marrë ndihmën e parë mjekësore ata janë larguar për në banesë.

“Specialistët e Qarkullimit Rrugor në Drejtorinë Vendore të Policisë Lezhë proceduan penalisht shtetasin A.M., 24 vjeç, banues në Prishtinë, Kosovë. Ky shtetas, në aksin rrugor Milot-Thumanë, në Fushë Mamurras, duke drejtuar automjetin tip “Benz ” ka goditur mjetin tjetër tip “Benz ” me drejtues shtetasin S.L., 28 vjeç, banues në Tiranë dhe ky i fundit ka goditur mjetin shoqërues të  deputetit S.B. Të 3 automjetet qarkullonin në një sens lëvizjeje, në korsinë e shpejtësisë.

Si pasojë e goditjes kanë marrë dëmtime të lehta drejtuesi i mjetit shtetasi A.M., dhe pasagjerët në këtë mjet E.S.,dhe A.M., banues në Kosovë, të cilët pasi kanë marrë mjekim në spital, janë larguar për në banesë. Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkelja e rregullave të qarkullimit rrugor”, njofton policia.

TË NGJASHME

TË FUNDIT