OBSH: Së shpejti Europa “armëpushim” me Covid

Kreu i Organizatës Botërore të Shëndetësisë për Europën, Hans Kluge, u shpreh se kontinenti mund të hyjë se shpejti në një periudhë të gjatë qetësie nga pandemia e Covid-19. Kluge thotë se kjo periudhë me mbrojtje më të lartë nga vaksinat duhet parë si një “armëpushim” me virusin.

“Ne kontinentin Europian ekziston një mundësi reale për të kontrolluar transmetueshmërinë e virusit bazuar në 3 elementë: Ritmet e vaksinimit, fundi i stinës së dimrit dhe ashpërsia më e ulët e varianti Omicron”.

Kluge u kërkoi vendeve europiane të vijojnë me fushatat e tyre të vaksinimit dhe të shohin nga afër shifrat e infektimeve, pavarësisht deklaratës së tij. Ai mbetet optimist se Europa do të jetë në një pozicion më të mirë edhe nëse do të ketë variante më të transmetueshëm se Omicron.