“Një grua duhet të ketë karrierën më të mirë të mundshme pa pasur nevojë të bëjë sakrifica”, Meloni: Italia ka nevojë për fëmijë, puna dhe lindshmëria të shkojnë së bashku
Kryeministrja italiane Giorgia Meloni teksa ka folur për temën e Ligjit për Buxhetin tha se është thelbësore “të lidhen të gjitha stimujt me temën e punës së grave”.
“Ne jetojmë në një komb në të cilin nga njëra anë kemi nevojë për fëmijë. Është gjithashtu një çështje ekonomike, e kemi diskutuar shumë herë dhe prandaj nuk do të kthehem në të dhënat mjaft dramatike me të cilat përballemi”, tha Kryeministrja italiane. Dhe shtoi: “Në këtë manovër jemi absolutisht të bindur se çështja e natalitetit duhet të mbetet një nga temat qendrore. Puna është një tjetër nga temat qendrore dhe të dy gjërat duhet të mund të shkojnë së bashku”.
“Nga ana tjetër, ne jetojmë në një shoqëri ku është e vështirë t’ia dalësh me familje me të ardhura”, nënvizoi kreu i Fratelli d’Italia në një intervistë me drejtorin e Corriere, Luciano Fontana, për Tempo delle Donne. 2023.
Loading ...Çështja e natalitetit
“Më duket se ka pasur më tepër të tjerë që kanë thënë se kur donim të nxisnim natalitetin, në thelb thuajse kishim synuar të luftonim mundësinë që gratë të kishin një punë”, vazhdoi Meloni. “Unë besoj se një shoqëri e drejtë është një shoqëri që nuk të detyron të bësh këtë zgjedhje dhe se, nëse e gjen veten duke bërë këtë zgjedhje, duhet të heqësh dorë nga fëmijët sepse dëshiron një punë, nuk je i lirë. Kjo është arsyeja pse po te shikosh masat e para të kësaj qeverie masat që kemi përqendruar në çështjen e natalitetit janë të lidhura kryesisht me punën. Po mendoj për çështjen e lejes prindërore që kemi zgjatur në buxhetin e kaluar. Dhe unë mendova për çështjen që kur zgjodhëm përfitimin marxhinal, pra përfitimin kufitar, pagesën e njëhershme që punëdhënësi mund ta njohë si përfitim shtesë për punëtorin, i cili është totalisht pa taksa, e lidhëm kryesisht me punëtorët që kishin fëmijë. Dhe kjo ishte objekt polemikash, pra thuhej se ishte diskriminim”.
Puna dhe gruaja
Qendra e fjalimit të kryeministres “është pikërisht puna për të ndërtuar një shoqëri në të cilën ka një lidhje të fortë midis punës së gruas dhe mundësisë për të lindur fëmijë. Ndryshe nga sa na është thënë prej disa vitesh, sepse është një çështje për të cilën jam përplasur shpesh edhe me disa nga ata që janë sot në opozitë”. “Besoj se një grua mund dhe duhet të vihet në pozitën që të ketë karrierën më të mirë të mundshme, siç bëjnë shumë gra, pa pasur nevojë të bëjnë sakrifica”, ka përsëritur me bindje Meloni.
“Dua që gratë të bëjnë një hap prapa? Nuk mendoj kështu”
“Unë akuzohem se jam një grua që dëshiron t’i mbajë gratë në margjinat e shoqërisë”, shtoi Meloni. “Më kujtohet ende se u akuzova, ditën kur kërkova besim në Parlament si kryeministrja e parë femër e Italisë, se doja që gratë të ishin një hap prapa burrave. Me gjithë respektin, nuk mendoj se në jetën time kam treguar që dua femrat një hap pas meshkujve. Pra duhet të kuptojmë se çfarë po i referohemi. Pse thuhet për mua që do doja femrat një hap pas meshkujve? Sepse jam një person që mbroj vlerën e familjes dhe mbron vlerën dhe nevojën e nxitjes së lindjeve”.
