Megaoperacioni/ Dështon “shpikja” e radhës e trafikantëve, kanabisi xhelatinoz erdhi nga Kanadaja me postë, i fshehur në… konserva peshku

Zbardhen detaje të reja nga megaoperacioni anti-drogë i zhvilluar prej ditës së djeshme në mbarë vendin. Gazetari Igli Çelmeta bën me dije për se kanabisi që u sekuestrua në Tiranë, vinte nga Kanadaja.

Mësohet se kanabisi ka ardhur me postë, i fshehur në konserva peshku. Mësohet se një drogë e re ka dalë në qarkullim, drogë xhelatinoze që vjen nga Kanadaja.

Ajo është në formën e konservave të peshkut me përqindje të lartë THC. Ndërsa një lloj tjetër është në formën e tubave, me origjinë po nga Kanadaja. Kanabisi që tregtonin ishte i prodhuar me llamba dhe kushtonte 3000 lekë të reja një boçe, më shtrenjtë se kanabisi i thjeshtë.

Kujtojmë se deri më tani në mbarë vendin janë arrestuar mbi 200 persona, ku prej tyre, 112 janë vetëm në Tiranë.