Lëvizje që mund të tronditë industrinë/ Pas shkarkimit të rrufeshëm nga Open AI, Sam Altman punësohet nga Microsoft

Microsoft ka punësuar në mënyrë sensacionale Sam Altman dhe Greg Brockman për të udhëhequr një ekip të ri kërkimor të avancuar të AI, vetëm disa ditë pasi dyshja u larguan nga OpenAI.

Shefi ekzekutiv i Microsoft, Satya Nadella, ka njoftuar lëvizjen e papritur, e cila mund të tronditë industrinë e AI.

Emërimi vjen vetëm disa orë pasi u bë e qartë se Altman nuk po kthehej në OpenAI, me Emmett Shear që u emërua si zëvendësues i përkohshëm.

Nadella thotë gjithashtu se Microsoft – një investitor kyç në OpenAI – mezi pret të njihet me Emmett Shear dhe ekipin e ri drejtues të OAI.

“Ne mbetemi të përkushtuar ndaj partneritetit tonë me OpenAI dhe kemi besim në udhërrëfyesin e produktit tonë, aftësinë tonë për të vazhduar të zhvillojmë me gjithçka që njoftuam në Microsoft Ignite dhe në vazhdimin e mbështetjes së klientëve dhe partnerëve tanë”, shkruan Nadella në një postim në X.

“Dhe ne jemi jashtëzakonisht të ngazëllyer për të ndarë lajmin se Sam Altman dhe Greg Brockman, së bashku me kolegët, do t’i bashkohen Microsoft-it për të udhëhequr një ekip të ri të avancuar të kërkimit të AI. Ne mezi presim të lëvizim shpejt për t’u siguruar atyre burimet e nevojshme për suksesin e tyre”, mbyll ai postimin në platformën X./Liberale.al

We remain committed to our partnership with OpenAI and have confidence in our product roadmap, our ability to continue to innovate with everything we announced at Microsoft Ignite, and in continuing to support our customers and partners. We look forward to getting to know Emmett…

— Satya Nadella (@satyanadella) November 20, 2023