Kishte fshehur në trup doza kokaine gati për t’i shitur, arrestohet 33-vjeçari
Policia e Bulqizës ka arrestuar një 33-vjeçar, i cili akuzohet për shpërndarje të lëndëve narkotike. Në vijim të operacionit policore të koduar “Tempulli” është vënë në pranga shtetasi Alfred Gjoka, banues në fshatin Vajkal, Bulqizë,
“Forcat “Shqiponja”, në bashkëpunim me Komisariatin e Policisë Bulqizë, në orët e mbrëmjes në qytetin e Bulqizës, kanë ndaluar për kontroll shtetasin Alfred Gjoka, ku i’u gjetën të fshehura në trup, dhjetra doza me lëndë të dyshuar narkotike kokainë, të gatshme për shitje, të cilat u sekuestruan në cilësinë e provës materiale.” – thuhet në njoftimin e Policisë
Materialet procedurale i kaluan Prokurorisë së Dibrës për veprime të mëtejshme.
