9.5 C
Tirana
Monday, 17 January, 2022

Fluks për testime Covid në poliklinika! Mjekët: Omicron, infektues për familjen në pak kohë

Rritja e rasteve me koronavirus në vendin tonë ka çuar në një fluks të shtuar pranë poliklinikave për testime Covid.

“Në qendër paraqiten tek mjeku i familjes shumë pacientë me simptoma, të gjithë testohen dhe ka rezultuar rritje e rasteve pozitive… Mesatarisht në qendër testohen 250 pacientë”.

Po ashtu edhe pranë mjekëve të familjes në ditët e para të Janarit janë rritur ndjeshëm rastet e vizitave.

“Varianti Omicron është më infektues. Vëmë re që kur një pjesëtar i familjes është infektuar pas 2-3 ditësh dhe pjesa tjetër e familjes është infektuar. Mund të them që të gjithë pacientët që e kanë kryer vaksinën dhe nuk e kanë kaluar variantet e tjera të virusit Covid-19 dhe po kalojnë aktualisht variantin Omicron kanë simptoma relativisht të lehta, kurse pjesa tjetër e pacientëve që nuk janë vaksinuar kanë simptoma më të shprehura dhe ditët zgjasin më shumë”.

Mjekët theksojnë se të gjithë pacientët po mbahen në vëzhgim në banesë dhe nuk ka raste të rënda. Paralelisht me kërkesën për t’u testuar në rritje ka ardhur edhe kërkesa për vaksinim vetëm në Poliklinikën Numër 10, injektohen 350 vaksina çdo ditë, ndërsa në të gjithë vendin kjo shifër e tejkalon 9 mijë vaksinime.

TË NGJASHME

TË FUNDIT

WP2Social Auto Publish Powered By : XYZScripts.com