Evi Kokalari ankohet nga SHBA: Më sulmuan egërsisht, Shqipëria udhëhiqet nga Cosa Nostra

Aktivistja Evi Kokalari me anë të një postimi në rrjete sociale, shprehet se  vijon t’i qëndrojë asaj që ka thënë më herët se PD-ja e Lulzim Bashës, është një shtojcë e PS-së.

Kokalari ka risjellë në vëmendje kohën kur e ka bërë këtë deklaratë dhe për pasojë është sulmuar egërsisht.

“Nuk kam ndërmënd t’ju them që ju thashë për Veliajn, se shumë e kanë të qartë, ama kam që në Maj që ju them se PD-ja e Lulzim Bashas ishte një shtojcë e PS-së.

Mbaj mënd shumë nga këta kundërshtarët e paepur të Lulit tashti, më sulmuan egër në atë kohë. Personalisht, thjeshtë kisha pyetje si do i fitonte Luli zgjedhjet e 25 Prillit me një fushatë aq të dobët.

Në atë kohë i thashë disa miqve,  ‘ky o është budalla ose di diçka që ne nuk e dimë’. Rezultoj e dyta”, shkruan Kokalari.

Sipas saj, të paktën tashmë s’ka më maska dhe një gjë është e qartës e Shqipëria udhëhiqet nga Cosa Nostra.