Doni të dukeni gjithmonë të reja dhe në formë? Ja sekreti i bukurisë së aktores së famshme

Ylli i “Friends”, Jennifer Aniston, ka ndarë me të gjithë sekretin e bukurisë së saj dhe zbuloi momentin e preferuar të javës teksa fliste për rutinën e saj të kujdesit të lëkurës.

Dhe tani Jen ka zbuluar rutinën e saj që sfidon moshën, e cila fillon çdo ditë me një trajtim të thjeshtë. Aktorja e fillon çdo ditë me ujë të ngrohtë dhe limon- një rrugë shumë e thjeshtë për tu ndjekur për këdo.

Kjo, e kombinuar me një mënyrë jetese aktive që përfshin joga dhe meditim, e ndihmon atë të qëndrojë në formë të mirë. Në një rrëfim për revistën “First For Women”, ajo i quajti seancat e saj të meditimit momentin e saj të preferuar, duke shtuar: “Uroj që të mund ta ngrinim kohën në atë orë magjike”.

Rutina e saj përfshin gjithashtu shumë ushqime të shëndetshme. Për palestër, Jen ndjek klasat e ushtrimeve kardio. Ylli i Hollywood tha se në fillim kjo i dukej e mërzitshme, por ia mori dorën brenda vetëm gjashtë muajve.