Donaldi dhe Romeo nisen direkt për në Drenicë, për të mbajtur fjalën e dhënë

Përveçse aktor, Donald Veshaj spikati në Big Brother edhe si piktor.

Me rastin e festave të Nëntorit, Donaldi realizoi portretin e Ismail Qemalit i cili u shit në ankand dhe të gjitha lekët shkuan për bamirësi.

Më 17 shkurt, kur Kosova festoi 14 vjetorin e Pavarësisë ai realizoi portretin e Adem Jasharit.

Tashmë pas daljes nga shtëpia, Donaldi ka ndërmarrë shumë iniciativa si ndërtimi dhe dhurimi i 4 shtëpive për familjet në nevojë, apo dhurimi i 7 udhëtimeve për 7 çifte që i tregojnë atij motive të forta për të bërë një udhëtim dashurie.

Sot, aktori ishte nisur për në Drenicë, për të dorëzuar pikturën te familja Jashari. “Aty ku e ka vendin”, siç u shpreh dhe Donaldi.

Me këngën “Mora fjalë” në sfond dhe me të vëllain Romeon, Donaldi na bëri me dije se sot do të vizitonte familjen Jashari për t’i çuar dhuratën.