8.5 C
Tirana
Monday, 25 October, 2021

Dokumentari për Britney Spears zbulon detaje shokuese për marrëdhënien e saj me babain

Këngëtarja amerikane, Britney Spears ka qenë gjithmonë target i vëmendjes mediatike, si për karrierën muzikore të suksesshme, ashtu edhe për detaje të jetës private.

Në trailerin e dokumentarit më të fundit të saj, të publikuar të mërkurën dalin në skenë detaje të jetës që pasojnë skandalet më të komentuara, mesazhe dhe telefonata që lidhen me kujdestarinë e fëmijëve të saj.

Dokumentari zbardh pasojat e vendimit të gjykatës të vitit 2008 të marra ndaj yllit amerikan të popit.

Në mesazhin zanor dërguar avokatit të saj në 2009, Britney shpreh shqetësimin mbi kërcënimet që James Spears i bënte për të marrë kujdestarinë e fëmijëve të saj, Sean Preston3 vjeç atëherë dhe Jayden James, 2 vjeç.

Asokohe, artistja dhe bashkëshorti i saj balerin, Kevin Federline kishin një kujdestari të përbashkët, pavarësisht që aksionet e saj më vonë u ulën në 30%, në interest të fëmijëve.

Gjykata vendosi që babai i saj, James Spears të merrte kujdestarinë e tyre, pas skandalit publik ku Britney rruan kokën.

Por, mesa duket 69-vjeçari do t’i japë fund këtij urdhëri 13-vjeçar. Në peticionin e paraqitur ne gjykatë më 26 Korrik, ai kërkon të heqë dorë nga kujdestaria duke i kërkuar Gjykatëses Supreme të Qarkut të Los Angeles, Brenda Penny të pezullojë kujdestarinë.

Ky veprim i James është quajtur nga avokatët e këngëtares si një metodë për të përfituar para prej saj.

Nga ana tjetër, pas rihapjes të rrjetit social Instagram, Britney po shpërndan postime mbi fëmijët e saj, duke shprehur dashurinë që ndjen ndaj tyre.

Të gjithë jemi kurioz sesi do të përfundoj gjyqi i famshëm i një nga familjeve më të komentuara në botë, por do të duhet të presim edhe pak.

Rikujtojmë që data e ardhshme e gjyqit  është caktuar për në 29 Shtator, një ditë pas transmetimit të dokumentarit të ri të saj, që do të mund ta shihni në Netflix.

TË NGJASHME

TË FUNDIT

WP2Social Auto Publish Powered By : XYZScripts.com