-5.5 C
Tirana
Thursday, 27 January, 2022

Djemtë i kërkonin, si u gjendën të vdekur në apartament çifti që bashkëjetonte

Një burrë dhe një grua u gjendën të pajetë sot pasdite në katin e dytë në një apartament në Golem.

Mihal Jani 60 vjeç dhe Anila Llalla 50 vjeçe të cilët mendohen se bashkëjetonin së bashku kohëve të fundit.

Anila Llalla është larguar nga banesa që në datën 25 nëntor të këtij viti dhe djali i saj ka bërë një kallëzim gjatë pasdites së djeshme në komisariatin e policisë në 4 ku deklaronte se e ëma ishte larguar nga banesa.

Ndërsa djali i Mihal Janit e ka marrë në telefon vazhdimisht babain e tij por ky i fundit nuk i përgjigjej. Pasditen e sotme, ka shkuar në shtëpinë që kishin në Golem dhe, pasi nuk ka mundur të hapte dot derën, ka kërkuar ndihmën e policisë dhe zjarrfikëses të cilët i kanë gjetur të dy shtetasit përtokë pa shenja jete.

Pista kryesore e dyshimit është rrjedhja e gazit, pasi mbrëmjen e djeshme fqinjët e kishin ndjerë aromën erën. Deri më tani mendohet se vdekja u ka ardhur që mbrëmjen e djeshme.

Grupi hetimor po punon për sqarimin e plotë të rrethanave të ngjarjes.

TË NGJASHME

TË FUNDIT