8.5 C
Tirana
Monday, 25 October, 2021

Autoportreti i Frida Kahlo vlen 30 milionë dollarë, çmimi më i lartë në histori

Një autoportret prekës nga Frida Kahlo që portretizon burrin e saj, Diego Rivera, në qendër të ballit të artistes, është i destinuar të thyejë një rekord dhe të bëhet vepra më e çmuar e Amerikës Latine në historinë e shitjeve publike.

Është një pikturë e vitit 1949 e titulluar “Diego y yo” (Diego dhe unë) dhe shtëpia e ankandeve Sotheby’s, e cila do ta prezantojë në Londër më 22 dhe 25 Tetor, e ka vlerësuar atë me 30 milionë dollarë. Nëse shitet për atë shumë, do të thyejë rekordin e mbajtur nga burri tradhtar i piktores. Përveç çmimit marramendës, vepra ka një vlerë të paçmueshme sepse hedh dritë mbi artisten meksikane dhe marrëdhënien e saj të trazuar me Rivera.

Kahlo e pa atë për herë të parë në 1922, kur ai ishte një artist mural me famë botërore dhe ishte 36 vjeç. Ajo ishte vetëm 15 vjeçe, por u magjeps menjëherë prej tij. Ata u takuan përsëri në 1928 dhe vitin pasardhës u martuan.

Kahlo dikur shkroi në një fletore: “Unë kam pasur dy aksidente të mëdha në jetën time, njëra në një tramvaj që më goditi , tjetri ishte Diego”, duke iu referuar aksidentit kur një autobus e goditi atë në moshën 18-vjeçare dhe duke e lënë atë me lëndime të tmerrshme.

Piktura “Diego y yo” u krijua gjatë një pike të errët të martesës së tyre të dytë kur Rivera po tradhtonte piktoren Kahlo me shoqen dhe yllin e filmit María Félix.

TË NGJASHME

TË FUNDIT

WP2Social Auto Publish Powered By : XYZScripts.com