5.5 C
Tirana
Monday, 17 January, 2022

“11 dhjetori”, Basha blindon selinë: Izolon zyrën e Palokës, kyç dyert ku janë firmat e delegatëve

Kryedemokrati Lulzim Basha ka përforcuar masat e sigurisë në “selinë blu”.

Me afrimin e kongresit të “11 dhjetorit” të paralajmëruar nga lideri historik i kësaj partie Sali Berisha, shefi i opozitës ka kërkuar nga stafi i ngushtë parashikimin e të gjitha skenarëve të mundshëm.

Gazeta Drita mëson se është izoluar e gjithë hapësira e selisë ku ndodhet zyra e kreut të Këshillit Kombëtar Edi Paloka, vend ku janë depozituar edhe formularët e plotësuar nga delegatët.

Siguria e “selisë blu” ka ndërruar bravat kryesore të hyrjes ku tashmë nuk mund të depërtohet me lehtësinë e dikurshme, raporton gazeta Drita.

Porta hyrëse e këtij kati fundor, korridori, portat që të çojnë te zyra e Palokës dhe disa nga zyrat kryesore tashmë kanë çelësa të rinj për të penguar në kohë ndonjë skenar të mundshëm nga ana e përkrahësve të Berishës.

Ndërkohë, duket se as vetë Paloka tashmë e ka të vështirë të shkojë në zyrën e tij ku edhe vetë deklaratat e firmëtarëve po bëhen në hollin e selisë dhe jo nga vendi ku u raportua se do të bëhej fillimisht.

Tensioni në “selinë blu” është përshkallëzuar ndjeshëm ditët e fundit me afrimin e kongreseve respektove ku nuk dihet ende fati i forcës më të madhe politike në opozitë.

TË NGJASHME

TË FUNDIT

WP2Social Auto Publish Powered By : XYZScripts.com